De Dichterslüüd,...

 

...de ehr Gedichten Se bi us findt, sünd...

Marlou Lessing, boren 1964 in Hamborg, opwussen in Holsteen. Ik heff Physik studeert un arbeed in Hamborg as Computer-Liehrersch. Ik bün ok Webmaster vun disse Websiet un vun www.plattpartu.de.

Min Email is webmaster@numanto.de

Marlou Lessing

Gertrud Everding

Gertrud Everding ut Hamborg. Ick schriff mehrst Prosa Märchen und Vertelln.

Min Email is g_everding@lycos.de, min Homepage www.literadies.de.


Sibilla Frerich, boren 1959 in Rendsborg. Ik heff Chemielaborantin lehrt un leev un arbeed nu in Hamborg.

Min Email is billa_f@gmx.de

Billa Frerich


Robert Mahler

Robert Mahler ut Garstedt. Ick bün 1921 boren un heff siet jümmer Prosa un Gedichten op Platt un Hoochdütsch schreven. Ick heff ok veel publizeert un holl foken öffentliche Lesungen as in dat Foto hier.

Email heff ik keen. Se möt na'n Webmaster mailen, wenn Se mi anschrieven wullt.


Konrad Tegtmeier, boren 1905, Schrieversmann, Redakteur un Journalist bi'n NDR in Hamborg. He hett Prosa, Höörspele, Kantaten un Gedichten in't Kalenberger Platt schreven.

Konrad Tegtmeier is 1972 storven. Sin Gedichten hett uns Elke Tegtmeyer tosendt.

Konrad Tegtmeier, tekent vun Elke Tegtmeyer

Rudi Witzke

Rudi Witzke, boren 1931 up'n Zingst. Lehrer, de letzten 20 Johr Baas vun de Lübecker Realscholen. Groot Freud hett mi maakt, dat Plattdüütsche in de Lübecker Scholen vörann to bringen. Ik schriev Riemels un Vertellsel; de vör allen för de Junglüüd, de weten mütten, woans dat to de grusigen "Dusend Johrn" kamen kunn. — Rudi Witzke is 2020 in Lübeck doodbleven.

Min Email is witzke@marless.de


Thekla is 16 Johr alt un Schölersch. Se will anonym blieven. Thekla is ok nich ehr echten Naam, bloots'n Schrieversnaam. Se hett uns twee wunnerbare Gedichten schickt. Maak wieder, Thekla!

Peter Perrey

Peter Perrey ut Niestadt an'n Rövenbarg, boren 1940 in Königsbarg. Ik heff in Kiel Germanistik, Geographie un Fremdspraken studeert un bün nu Schoolmeester an't Gymnasium Langenhagen bi Hannover. Ik heff ok an't "Preußische Wörterbuch" (Wöörbook vun de Mundarten vun Oost- un Westpreußen) mitdaan.

Min Email is pcperrey@KEINSPAM!t-online.de (KEINSPAM! mööt Se rutlaten, wenn Se mi mailen wüllt)


Gertrud Pforr ut Hamborg. Ik schriff Prosa un Gedichten över Minschen un Natuur, ok op Hoochdüütsch. Poor vun min Texten finnt Se in www.literadies.de.

Email heff ik keen, Se köönt mi över de Webmeestersch kontakteern.

Gertrud Pforr

Arne Bruhn

Arne Bruhn ut Moorreeg an de Elv, Maschinenbomester in'n Rohstand. Ik hebb mitmaakt, Plattdüütsch in de europääsche Spraken-Charta to kriegen, un versöök, an de Kinnergaarns un de VHS Wedel de Lüüd en lütt beten mehr an't Plattdüütsche rantokriegen. Ik schriff Vertellsel un Riemels op Platt.

Min Email is 520007103264-0001@KEINSPAM!t-online.de (KEINSPAM! mööt Se rutlaten, wenn Se mi mailen wüllt).


Hein Klüssendörp ut Lübeck. Boren 1921 in Wismar/Meckelborg, Spediteur vun Profeschoon. Ik bün mit Plattdüütsch opwussen, un in de velen Johren as Reisenden in Schleswig-Holstein wörr Platt ok mien Ümgangsspraak. Mit mien Gedichten un Vertellers will ik nich blot to'n Smuustergrienen anregen, man ok to'n Nadenken.
(Hein Klüssendörp is in'n Harvst 2007 doodbleven.)
Hein Klüssendörp

Werner Klüßendörp

Werner Klüßendörp, 1923 in Fahrbinde in Westmäkelborg geburn. Plattdütsch bün ik upwussen, un Hochdütsch wier miene ierste Fremsprak. Von Beruf wier'k Schaulmeister in'ne Berufsschaul. Anstatt na miene Pensionierung in dei Welt rümtaudüsen, heff ik mi hensett un heff'n lütt Bauk schräben — süh op mien' Homepage www.lewitz-buch.de.
Mien Email is Kluessendorf11@KEINSPAM!aol.com (KEINSPAM! mööt Se rutlaten, wenn Se mi mailen wüllt).


Berthold Cordes. Ik bün 1950 in Rocks (Neddersassen) boorn, dor opwussen, heff dor uk mien Fro freet, un tohoop hebbt wi dree Kinner. Ik leev jümmer noch in Rocks mit mien Familie, föhl mi dor twüschen Höhner un Aanten goot toweeg un misch uk bi de Schützen un Füürwehr mit, mien Profeschoon is de Ümgang mit Geld un in mien Freetiet schriev ik Geschichten, opleevst op Platt.

Berthold Cordes

Angela Ehlers
Angela Ehlers. Ik bün 1955 in Schleswig geborn, vun Profeschoon bün ik Schoolmeestersch för behinderte Kinner. Ik heff Platt bi mien Schwiegermudder in Heinkenborstel leernt un schnack tohuus blots Platt. Ik heff sülven veer Kinner. Min Email is ehlers-angela@KEINSPAM!t-online.de (KEINSPAM! mööt Se rutlaten, wenn Se mi mailen wüllt).

Ewald Eden. Ik bün an d' Lücht koamen in een Bunker, twee Doach vöör Hillichoabnd 1944 in Willemshoaben. Müürmann heff ik läärt, in ünnerscheedlich Profeschoonen arbeit. Siet 1999 bün ik Schrieversmann — Gedichten, Vertellereen, ok Koakbööker —, leev in Ossfreesland un moak ok Radio.

Ewald Eden is in'n Dezember 2022 doodbleven.

Ewald Eden (rechterhand, he kriggt graad 'n Pries)

Clara Kramer-Freudenthal
Clara Kramer-Freudenthal, born 1919 in't Ole Land un dor plattdüütsch opwussen. Vun Profeschoon heff ik as Bilanzbookhollersch arbeit. Erst mit 69 Johr heff ik anfungen to schrieven un heff an de Uni Hamborg in't Germanistische Seminaar mitarbeit. Min Homepage is http://www.sassisch.net/rhahn/kramer/.
— Clara Kramer-Freudenthal is in'n Juni 2005 doodbleven.

Hans Jörg Hartmann, boorn in Friedrichstadt/Eider, wahn in Husum, bün lange Jahrn hier in Nordfreesland Schoolmeister und bring ok — as Studienleiter för Düütsch an't IQSH Flensborg — Referendare dat Ünnerrichten as Dütschlehrer (ok in Plattdüütsch) bi. Ok an unse Husumer VHS geef ik Plattdüütsch-Kurse. Mit Schoolkinners speel ik in Theatergruppen vun unse School plattdüütsche und hochdüütsche Theater. — Hier sünd ok Limericks vun mi!
Hans Jörg Hartmann

Claus Günther

Claus Günther, 1931 in Hamburg (Harburg) boren. Ik heff Druckeree-Koopmann lehrt, as Korrektor arbeidt, bün Texter in de Warf west un opletzt Journalist. Mit Vergneugen mok ik Lesungen un schriev Geschichten un Gedichten op Hoochdüütsch, Platt un Missingsch. Beten wat vun dat is notolesen bi www.literadies.de. As Zeitzeuge engageer ik mi ehrenamtlich un vertell in Schoolklassen, wat ik in de NS-Tied beleevt heff; wi Ölleren hefft ok veel dorvun opschreven ünner www.seniorenbuero.de. Mien Email is c.gue@KEINSPAM!arcor.de. (KEINSPAM! mööt Se rutlaten, wenn Se mi mailen wüllt).

Na de Limericks vun Claus Günther

Ik büün 1943 in Köhlen, Niedersassen, born worn; bün Mathilde Borchers dööft worn un 1961 utwandert no New York, wo ik as Jennifer Borchers leev. Hier in New York heff ik de Universität besöcht, Pschichology un Kommunikaschon studeert un arbei bie de Vereinte Nationen. Ik bünn eene Spökenkiekerin un schrief over Pschichology un Drööm. Ik heff een amerikoonsch Bauk schreven over miene spökenkiekerischen Beleevnisse. Mien Email is jborchers@KEINSPAM!nyc.rr.com (KEINSPAM! rutlaten, wenn Se mi mailen wüllt).
Jennifer Borchers

Ute Biemüller ut Dithmarschen.


Silke Frakstein ut Hamborg, Schrieversfru, Entertainersch un Radiomoderatersch. Allens vun un över ehr gifft dat op ehr egen Homepage to lesen: frakstein.de
Silke Frakstein

     
Walter Rathmann
Ick heet Walter Rathmann, boorn in een Döörp bie Wyk, also op de Insel Föhr, wahn in Bokholt-Hanredder bie Elmshorn, bün door nu veele Johr Schoolmeister op de Dörpschool. Mien direkte Droht heet: Walter.Rathmann@KEINSPAM!foni.net (KEINSPAM! rutlaten, wenn Se mi mailen wüllt).


Ludwig Schmülling. Buorn sin ik an 21. 8. 1938 in Sendenhorst. Dao liäw ik auk nu un kuer mönsterländske Platt. Toerst was'k Sattler un Polsterer, dann lange Jaohrn Schoolmester, nu sin'k Pensionär un alltieds dör de Welt fuohrt.
Ludwig Schmülling

Martin Botsch
Martin Botsch, boorn in Lübeck in Nevelmand 1931. Ik hev Kunst un Architektur studeert, hev in Amerika un in Ruhrpott rümmoracht un denn as Professer an de Flachhochschool in Lübeck. Un denn ok bün ick in de Welt rümbuttjert; ook in China an'e Technische Universität hev ick lehrt, wat man anstellen mutt, dormit Hüs un Deels nich tosahmfallt. Nu hev ik mi in Meckelbörch een lüttjet Huus buut un de Reiseri upgeven. Nu fang ick an mit Riemels up Platt.

Jürgen Brake (* 1949), ut'm miärkischen Suerlanne. Ek versaik däi Spraoke van mine Öllern un Vöröllern wiërtaufinnen.
 

Wolf-Dieter Gerdau
Wolf-Dieter (Bübi) Gerdau, 1944 in Eckernför boren un vun Beruf Muurmann. Min Hobby ist dat Opschrieven vun Düntjes und Riemels ut Eckernför. Een poor dorvun kann man sik bi www.goldbuett.de ankieken. Min Emailadress: Fietjan@KEINSPAM!aol.com (KEINSPAM! rutlaten, wenn Se mi mailen wüllt).

Jürgen Schimmer, boren 1950 in Busdorf. Iesenbahnbeamter, 30 Johr as Fahrdienstleiter op Stellwarken vun de Bahnhöff Kaldenkirchen, Breyell, Boisheim, Dülken un Viersen an'n linken Niederrhein. Siet een Johr in'n Vörruhestand.
Jürgen Schimmer

Gerhard Butke
Gerhard Butke. 1952 in Wengsel (Grafschaft Bentheim) geburen, wohn ik vandage met miene Familje in Nordhorn. Studeert hebb ik Landmaschinentechnik, werk awer as Lehrer an ´n Berufskolleg. Ik schriev Prosa und Lyrik in Plattdüütsch un Hoachdüütsch. Email: GERHARDBUTKE@KEINSPAM!aol.com (KEINSPAM! rutlaten, wenn Se mi mailen wüllt).

Willi Höfig, Johrgang 1937, kümmt ut Bremerhoben un leevt nu in Ockholm. Ik bün hoochdüütsch upwussen, heff Publizistik, Düütsch un Volkskunne studeert (wat hütigendags "Europäische Ethnologie" heet) un weer Bibliothekoor: twintig Johr in Berlin, tein Johr in Kiel. Man an de veertig Johr is dat her, dat ik anfüng, för mi uptoschrieven, wat mi so dör'n Kopp güng. Ik heff mi heel wunnert, as ik markt heff: Dat güng man blots up Platt. — Min Email is WHoefig@KEINSPAM!t-online.de (KEINSPAM! rutlaten, wenn Se mi mailen wüllt).

Willi Höfig is 2023 doodbleven.

Willi Höfig

Helmut Hillmann
Helmut Hillmann ut Ueckermünde, en Mäkelbörger in Vörpommern, burn 1939 un upwussen in Jördenstorf, in'n hütigen Landkreis Güstrow. Schlosserutbildung, Meisterafschluss, Ingenieurstudium; hüt Dipl.-Ing. (FH) i.R., Mitglied un Vörstandsmitglied in'n Bund Niederdeutscher Autoren. Verheiratet, 3 Kinner, 5 Enkelkinner.

Karin Albrecht — boren 1950, hochdüütsch upwussen up 'n Buernhoff in ein Dörp in de Nehg von dat Stettiner Haff. Ick bün 34 Johr als Lehrerin tätig wäst un nu in'n (Vör-)Rauhstand. In de School leeg mi dat Wahlfach "Nedderdüütsch" besünners an'n Harten. Siet 12 Johrn schriew ick lütte plattdüütsche Prosatexte, versök mi awer ok mit Riemels.
Ick läw mit miene Familie in Vörpommern, in'n Uecker-Randow-Kreis. Miene plattdüütsche Websiet is Plattsiet.Ferdinandshof.de. Mien E-Mail is AlbK@KEINSPAM!gmx.net
(KEINSPAM! rutlaten, wenn Se mi mailen wüllt).

Karin Albrecht

Hannelore Hinz
Hannelore Hinz. As nich willkamen Minschen boxte ick mi in mien ierste Runn' in Rostock up de Welt. Ahn Doping von Minschen in'n witten Kiddel mit Buddelmälk up de Beinen hulpen. De annern Rünn' Kinnerheim, Plägöllern, Volks- un Kopmannsschaul in Swerin, in (Ost-)Berlin Fachschaul de Titels "Meister" un "Ingenieur-Ökonom". All in de sößte Runn' KO-Sieg gegen Miesmakers. Titel: Frieschaffen Entertainersch un Schriewersch. Dat hoegt mi noch hüt. — Hanne Hinz is in'n Dezember 2020 doodbleven.

Ik heet Ursula Vollstedt. 1934 bün ik in Barmstedt boren un dor leevt mien Mann un ik noch. Wi sünd heel unmodern, hebbt al Gollenhochtiet hatt. Wi hebbt 3 Kinner un 3 Grootkinner. Lehrt heff ik Apthekenhelperin. Wiel de Tieden dormols swoor weern, heff ik een Loden losmookt un 35 Johr 'n Lottoannohm hatt. Ik schriev plattdüütsche Kolumnen för uns Barmstedter Blatt.

Ursula Vollstedt

Walter F. Herz
Walter F. Herz, geboren 1948 in Husum, Nordfriesland, mütterlicherseits einem alten Bauerngeschlecht entstammend, plattdeutsch aufgewachsen in Husum und auf Nordstrand. Seit 1973 Realschullehrer, Pensionierung 2001. Musiker, Laienschauspieler, 16 Jahre Kommunalpolitiker, Jäger, Maler, Feuerwehrmann. Plattdeutsche Gedichte, Theater- und Bühnenstücke, Kurzgeschichten, Übersetzungen. Buch: "Röms blifft Röms" un "Husum, ahoi!", Geschichten vun de Waterkant. Email: walter_f_herz@KEINSPAM!freenet.de (KEINSPAM! rutlaten, wenn Se mi mailen wüllt).

Ik heet Thomas Seemann ut Stikelkamp un bün 1977 in Leer (Oostfreesland) geboren. Lehrt hebb ik Kaufmann (Groothandel), ik schriev manchmal dat up, wat ick so beleven doo. Villicht ok mal wat Grooteres (een Book?).

Thomas Seemann

Heinz Wolbers
Heinz Wolbers, geboren 1962 in Emsbüren (Kreis Emsland). Ik wohn met mien Familie in Lingen. Mien Geld verdeen ik as Gendarm bi de Kriminalpolizei. Ik bin nu erst anfangen mit dat Schriewen von kleene Sketche un Riemsels up plattdütsch und spell ok in use Theatergruppe van Heimatverein Darme met.

Marita Pollak. Ik bün 1946 in Heid/Dithmaschen boren, opwussen un to School gohn. Ik bün siet 42 Johren verheirod, heff 2 Kinner un leev nu in Quickborn noh bi Hamborg. Mien Grootöllern hebbt Plattdüütsch snackt. Ik leef uns Plattdüütsche Heimotsprook, geev Lesungen un schriev Riemels un Dööntjes.
Email: m.l.pollak@KEINSPAM!gmx.de (KEINSPAM! rutlaten, wenn Se mi mailen wüllt).

Marita Pollak

Cord Denker
Cord Denker. Ick bün 1936 in Hamborg to Welt komen. Kindheit in HH-Schnelsen, Schooltied in HH-Niendorf. Realschool, dornoh Lehrtied as Maschinen-Schlosser. Achteran Abitur op de Abendschool un denn Theologie-Studium. 4 Johrn Berufverbot in de Kark. Awers denn doch 24 Johrn Paster in Bargteheide. Sied 2001 "Ruhestand". — Plattdüütsch (ick müss mi dat sülben bibringen) hett mien Kreativität frisett: Leedertexten, Geschichten, plattd. Gottsdeensten.

Fred Würdemann ut Beers (Bad Bederkesa). Ik bün 70 Jahr oolt; ü.a. Plattdüütsch-Referent bi'n Bildungskring (Ländliche Erwachsenenbildung/LEB), Baas von een Pld. Autorenkring twüschen Elv un Weser un Baas von een Männerchor.
Fred Würdemann

Martin Hüttenbernd

Eck heute Martin Hüttenbernd, sin 1927 in Lage-Lippe geborn un liebe dor. Eck sin orst Möllermester un dänn Diplomfinanzwirt wesen. Niu kruige eck Rente un kann muine Hobbies iutlieben: Radfahren, Modelle fliegen un met den Frünnen iuse leuwe lippske Platt uiben, kürn un schruiben. Suit tweu Johrn sin eck Witman, häbbe voier Kinner, Enkel un Grautkinner.
— Martin Hüttenbernd is 2010 doodbleven.


Ernst Meyer, boorn 1927 in Horst-Hahnenkamp, Abi in de Bismarckschool in Elmshorn, Flakhölper mit föfftein, Arbeitsdeenst und Grenadier mit 16, amerikansche Gefangenschopp. Plattdüütsch groot worrn, as Hobby eerst in't Rentenöller op kamen, Kottgeschichten lehrt in Kappeln in een Seminar "Plattdüütsch Prosa schrieven" ünner dat Leit von Dr. Dierks.
Fief CDs un an de 120 Geschichten bit hüüt. Und dat schall so wiedergahn.
Ernst Meyer

Sabine Brauer
Mien Naam is Sabine Brauer. Ik wohn all mien heele Leven, un dat bünt 55 Jahren, in't moje Ostfreesland, bün Huusfrau un siet 36 Jahren Ehefrau van een heel leven Keerl, Moder van veer utwursen Kinner un acht maal Oma. Arbeidden doo ik ehrenamtlich mit völ Freide in uns evangelsche Karkengemeen in't Bibel- und Gebetskreis mit.
Mien Emailadresse is Sabine.Brauer@KEINSPAM!live.de
(KEINSPAM! rutlaten, wenn Se mi mailen wüllt).

Rolf Grebener is mien Naam. An de 13.02.1946 hev ick dat erste Mal wat van de Welt seen. Gern schrief ick en lüttje Gedicht oder Geschicht.
Rolf Grebener

Erwin Holldorf, Sülvstporträt
Erwin Holldorf. Dat Ollnborger Land weer bit 1980 mien Heimat. Över 'n Ümweg bün ik 1982 no Schleswig-Holsteen gahn.
De Kunst vun 't Malen het mi al at Kind begeistert. 1973 nehm mien Grootvader mi mit no Worpswede to en Utstellung. Achterna malte ik miene eersten Biller. Veel later, bit hierhen Autodidakt, nehm ik veele Johr an Kursen in Maleree deel. Op Linnen, Pappe, Hartfees or Poppier mal ik hüüt Blomen un Landschops.
Un wenn mi op Platt 'n schöön Riemel infallt, schriev ik em op.

Mien Naam is Ursula Gressmann. Ik bün en pensioneert Schoolmesterin un wohn nu in Hessen. Gebürtig bin ik van de Nordseeinsel Juist.
Immer noch bün ik mit Land un Lü in Oostfreesland verbunnen un hebb min Moderspraak nich vergeten.

rsula Gressmann

Walter Meß
Mien Nam is Walter Meß. Born un plattdüütsch opwussen bünn ik in Landkirchen op de Insel Fehmarn. Ik heff veel Freid mit mien Moderspraak un bünn Vörsitter vun de "Plattdüütsch Runn" bi de Volkshochschool hier op Fehmarn. Bi uns in't "Fehmarnsch Tageblatt" schriev ik Gedichte un Geschichten in de "Plattdüütsch Eck".
Mien e-mail: walter-mess@KEINSPAM!gmx.de

Horst Rehmann, born in Bremen 1943. Ik weer meist mien Leven lang en selvstännigen Koopmann. As Rentner leev ik nu in Forchheim in't Frankenland un schriev Gedichte und Geschichten bi www.buch-schreiben.net un maal Ölbilder (googeln na Rehmann, Horst (Bilder)). Heff ok all 6 Bööker schreven un schriev nu dat nächste.

Horst Rehmann

Stina Nissen
Stina Nissen. Up de Welt kamen an’n 23. 08.1989 in Bad Oldesloe, upwussen in Lübeck. Ik heff dat Johanneum besöcht un 2009 dor Abitur maakt. Dorna keem en Utbildung to Bookhändlerin in Hamburg. An’t Schrieven harr ik al jümmers Freud; ik heff bi poor Schriev-, Dichter- un Lesewettbewerbe mitmaakt un plaan as nächst Projekt enen lütten Roman.
To de plattdüütsch Spraak keem ik dörch mien Grootöllern, Anke un Karl-Heinz Nissen, de sülms regelmäßig nedderdüütsch Texte in verschieden Bläder veröffentlichen.

"Fiete Lüttenhus" weer de Schrieversnaam vun Friedrich Schnoor, boren 1879, doodbleven 1966 in Hamborg. He weer en plattdüütschen Vördragskünstler, de ok Versen maakt hett un de sünners för sien Reuter-Interpretschoonen beropen weer. Sien Söhn hett uns en Koppel Tieddokumenten un Gedichten ut sienen Nalass tostüürt.
Friedrich Schnoor

Stina Nissen

Heinz Großmann ut Bremerhaven. Boren 1943 in Wien, opwussen in Vechta (Südoldenburg), vun dor stammt mien Platt. Vun 1968 af an as Lehrer, later Schooldirekter in Bremerhaven. As "gelernter Religionspädagoge" sünd vun mi in de 70er bit 80er Johr en Reeg vun Kinner-Gebet-, Gottsdeenst- un Meditationsböker op Hoochdüütsch rutkamen. Denn heff ik plattdüütsche Literatuur entdeckt un mi in den Kinner-Leeswettstried engageert. Vör ca. 17 Johr heff ik anfungen, Plattdüütsch to schrieven. As Liddmaat in'n "Schrieverkring twüschen Elv un Weser" heff ik to twee Böker Geschichten un Riemels bistüürt. Sietdat ik pensioneert bün, ünnerricht ik Platt in de VHS, Kinnergoorns un en Olenpleegschool. Bi den Kinner-Leeswettstried vün ik Juror. 2011 is"Is doch Wiehnachtstiet, De plattdüütsche Riemels-Adventskalenner" un 2013 "Dör den Dag — dör dat Johr, De plattdüütsche Familienkalenner" vun mi rutkamen.


Addi Kahl, 1936 in Süsel/Ostholstein op en Buernhoff boren un opwussen. Later 5 Johr as Bargmann bi Dinslaken. Torüch na Schleswig-Holstein, Odyssee dörch vele Profeschonen as Taxi, Rettungssanitäter, Busfahrer u.v.m. Denn lange Jahr as Musikalienkoopmann, later sülvststännig (ca. 30 Jahr in NMS, Lübeck un Eutin). Siet ca. 20 Johr Entertainer, Hafenkonzertteilnehmer mit egen Musiktiteln in Hoch un Platt, Musiker un Bookautor. Homepage: addi-kahl.de.

Heinz Tiekötter is Johrgang 1940. He kummt vun de Veddel; een lütten Hamborger Stadtdeel glieks achter de Elvbrück. Hüüt wohnt he in't Lauenborgsche, man jümmers noch in de Neegde vun de Elv.
He hett Tallymann liehrt un vertellt geern öber öber de olen Tieden in'n Hamborger Hoben un ümto. Mit siene Vertelln tingelt he öber Land un leest se vör.

Klaus-Dieter Tüxen ut Eckernför, Journalist un Autor.

Günter Schiller, vör 80 Johren boren in Neddersassen, leevt mit sien Familie in de Schwiez.

Joachim Kroll: An'n 31.10.1962 in Kellenhusen, Kreis Steenborg, to Welt komen. Opwussen in Hohenlocksteed, dor Volksschool (or, as mien Vadder jümmers segt hett: Holtpantüffelgymnasium), Abitur an't richtiget Gymnasium (KKS - fröher hebbt wi noch Böverschool seggt) in Itzhoe; twee Johr Deenst för't Vadderland in Kellenhusen, Kreis Steenborg. Dorna Studium vun de Rechte in Kiel an de CAU; nu leev ik in Weeg in de Neegde vun Segbarg. Af un an versöök ik mi daran, lütte Riemels oder ok Geschichten op Platt to schrieven. Veel hebb ik noch nich to Stand bröcht, avers Rom is ok nich an een Dag buut worrn...