Update September 2017: 1 nieges Gedicht vun Horst Rehmann


...plattdüütsch Gedichten —

nu!

wat ick in diss verdorrte kant
noch platt erinnern do

woneem is mi dat anverwandt?
wat flüstert mi dat to?

ut min moder ehr kinnertied
hett mi de spraak beröhrt.
dat land blifft gröön noch lang, as wiet
de stroom sin water föhrt.

Uns plattdüütsch Spraak leevt. Man grad noch jüst so. Se schall lebennig blieven! Un nich in't Museum. Un dorto mööt wi ehr allns dat to seggen geven, wat uns in de Welt vun vundaag beröhrn deit. Se ward dat klingen laten.

Op disse Websiet stellt wi uns egen plattdüütsche Gedichten vun hüüt praat. Meddewiel sünd dat 419! Dorto kaamt 56 Limericks un 79 Schüddelriemels. — Hebbt Se ok welk? Wüllt Se, dat anner Lüüd dat to lesen kriggt? Denn klickt Se op Mitmaken un kiekt dar na. Dat Copyright för Ehr Texten behollt Se natüürlich jümmer sülvst. Dat is bloots to'n Spaaß hier.

Düsse Sieden warrt so üm un bi alle twee Maanden nieg hoochlaadt. Baven steiht jümmers, wat't denn Nieges gifft.

"Ik kann keen Platt..."

Mennigeen snackt nich daagdääglich Platt, man wokeen deit dat noch? Wi argert uns nicht an lütte Fehlers; wi wüllt Platt klingen höörn.

Wohrschau 1

Allns, wat Se hier leest, dröfft Se bloots för'n Privaatgebruuk rünnerloden un verwennen. Dat Copyright för de Texten liggt klipp un klaar alleen bi de Verfaters. Wann de een orr anner Text Se so goot gefallt, dat Se't publizeern wüllt, denn wendt Se sik an de Verfater persöönlich — de Email-Adressen finndt Se bi de Dichterslüüd.

Wohrschau 2

De Hyperlinks op disse Websiet, de na anner Websieden röverjumpen doot, sünd een un all ehrbor un reell. Wenn dor nu en swatte Schoop ünnerlopen deit un jichtenseen dor mitmaal swienschen orr kriminellen Kraam op publizeern deit, dor wüllt wi nix mit to doon hebben, un dor distanzeert wi uns resoluut vun.


Na Plattpartu.de: Hier klicken.

Anner plattdüütsche Websieden

...finnt Se bi de plattdüütsche Linklist www.plattnet.de.

Fehlers? Fragen?

Mailt Se na'n Webmaster.

 

Impressum: Düsse Siet höört Martha-Luise Lessing, Am Markt 9 c, 24610 Trappenkamp.
Webmeestersch is Martha-Luise Lessing, Am Markt 9 c, 24610 Trappenkamp, webdesign.marless.de.
Verantwoortlich gem. TMG: Martha-Luise Lessing.